Meclisa Tenduristiya Karkeran û Ewlehiya Kar (ÎSÎG) bi boneya 12’ê Hezîranê Roja Têkoşîna li Dijî Karkeriya Zarokan a Cîhanê rapora xwe ya “Cînayetên Kar” parve kir. ÎSÎG’ê, diyar kir ku karkeriya zarokan a li welat zêde bûye û bi awayekî sîstematîk kedxwarî li zarokan tê kirin. Di raporê de hate gotin ku di nava 12 sal û nîvên dawî de herî kêm 770 zarokan di cînayetên kar de jiyana xwe ji dest dane.