Endama Konseya Hevserokatiyê ya Partiya Yekitiya Demokrat (PYD) Foza Yûsifê li ser hesabê xwe yê X'ê daxuyanî da. Foza Yûsif ku vê carê bang li çapemeniya Kurd kir, got: “Ez bangî medyaya Kurdî dikim, îro hûn dengê gelê me ne. Bi kamera û beşdariya xwe, hûn tev li banga giştî ya çalakiyê dibin. Divê hûn rabin ser pêyan û bi hemî rêxistinên medyayê yên li çaraliyê cîhanê re têkiliyan ava bikin. Silav ji her kesê ku ji bo doza gelê xwe dixebite. Bijî azadiya Kurdan.”