Şandeya OCHA’yê çû serdana Kobanê
NAVENDA NÛÇEYAN - Şandeya OCHA’yê, çû serdana bajarê Kobanê ku di dorpêçê de ye. Şandeyê, şert û mercên jiyanî lêkolîn kir.
Şandeyek ji Ofîsa Neteweyên Yekbûyî ya ji bo Koordînasyona Kar û Barên Mirovî (OCHA) serdana navenda Rêveberiya Xweser a li bajarê Kobanê kir. Şande ji aliyê Desteya Serokatiyê ya Meclisa Rêveber a Rêveberiya Xweser a Kobanê û nûnerên saziyên xizmetguzariyê hate pêşwazîkirin.
Her du aliyan li ser pirsgirêkên mirovî û tenduristiyê yên ji ber dorpêçkirina Kobanê derketine û awayê peydakirina xizmetên bingehîn û pêdiviyên şêniyan gotûbêj kirin. Piştî civînê, şandeya NY’yê di gel endamên Rêveberiya Xweser, serdana stargehên li bajêr kir da ku şert û mercên jiyanê yên li Kobanê di bin dorpêça berdewam de ji nêz ve bibîne.
Ji 20’ê Çileyê ve, hêzên hikûmeta demkî dorpêçeke dijwar li ser bajarê Kobanê ferz kiriye û heta niha jî berdewam dike.
Nûçeyên Têkildar
Mehmûd Xelîl: Xelkê Efrînê gihişt zeytûnên xwe
Fermandare Hêzên Ewlekariya Hundirîn ê Hesekê Mehmûd Xelîl, anî ziman ku welatiyên Efrînê piştî bi salan gihiştine baxçeyên xwe yên zeytûnan.
Piştî 8 salan gihiştin cih û warê xwe
Welatiyên Efrînê yên bi darê zorê ji cih û warê xwe hatibûn koçberkirin, piştî 8 salan vegeriyan ser xaka xwe.
400 malbatên Efrînî ber bi warê xwe ve bi rê ketin
400 malbatên Efrînî yên ji ber êrişên Tirkiyeyê ji neçarî koçeber bûn, di çarçoveya peymana 29’ê Çileyê de ber bi warê xwe ve bi rê ketin.
Li Rojava piştî Peymana 29’ê Çileyê çi gav hatin avêtin?
Rojnameger Dogan Cîhan diyar kir ku Peymana 29’ê Çileyê hêj tam bandor li qadê nekiriye û got: “Hinek gavên ewlehî, îdarî û teknîkî hatine avêtin lê ji ber nêzikatiya hikûmeta demkî, pêvajoya entegrasyonê temam nebûye.”
HTŞ’ê 74 gundên Kobanê talan kir
Komên girêdayî HTŞ’ê yên xwe ji 74 gundên Kobanê vekişandin, li van gundan talan û dizî kir.