NAVENDA NÛÇEYAN - Karkerên demsalî yên Kurd li Nîgdeyê rastî êrişa nîjadperestan hatin. Wekîla DEM Partiyê Zeynep Oduncu Kutevî bang li Wezareta Karên Hundir û hemû rayedaran kir. 

 

Karkerên demsalî yên ji Sêweregê çûn Nîgdeyê, li navçeya Borê rastî êrişa nîjadperest hatin. Karkerên birîndar rakirin Nexweşxaneya Perwerde û Lêkolînê ya Nîgdeyê. 

 

Wekîla DEM Partiyê ya Êlihê Zeynep Oduncu Kutevî dîmenên kêliya êrişê li ser hesabê xwe ya medyaya dijîtal parve kir û got: “Karkerên demsalî, di nava vê pergala kedxwariyê ya bêdemsal de hema hema her sal rastî heqaret, cihêkarî û tundiyê tên. Êrişa îro hatiye kirin, nîşan dide ku ewlehiya canê welatiyên me nehatiye parastin. Di serdemeke wiha ku li ser avakirina aştiyê tê axaftin de ev êriş, careke din nîşan dide ka aştî çiqas lezgîn û jiyanî ye. Em bûyerê dişopînin û şîfaya xêrê ji bo tevahiya malbatên me dixwazin. Divê hemû berpirsyar bên tespîtkirin û hesab jê were pirsîn.” 

 

Zeynep Oduncu Kutevî, bang li Wezareta Karên Hundir û hemû rayedaran kir ku peywira xwe bi cih bînin.