* Hevseroka Komeleya Lêkolînên Kurdî Remziye Alparslan, diyar kir ku divê komîsyona li Meclisê li komeleyên ser ziman xebatan dimeşîne guhdarî bike û got: “Daxwaza me statuya Kurdî û perwerdeya bi zimanê dayikê ye.”
* Şendogan Yazici ku çûna leşkeriyê red kiriye, diyar kir ku ji bo pêşerojeke bêçek wan ji çek re gotiye “Na” û got: “Heke bi rastî jî xeyala me Tirkiyeyeke çek lê bêdeng bûne û aştî lê serwer be, wê demê divê êdî dengê kesên dibêjin ‘wijdana min rê nadê, çûna leşkeriyê red dikim’ were bihîstin.”
* Denîz Guzel ku piştî 33 salan hate tehliyekirin, çû serdana gora birayê xwe yê di çalakiya “Hûn nikarin Roja me tarî bikin” de jiyana xwe ji dest dabû. Guzel, berxwedan silav kir û soza domandina têkoşînê da.
* Akademîsyen Kamûran Berwarî, têkildarî vekişandina leşkerên DYA’yê ya Iraqê û “Qanûna Heşdî Şebî” de axivî û got: “Tecrubeya konfederalîzma demokratîk a Rojava ji bo Iraqê jî mînak e. Heke gel tev li pêvajoyê were kirin, dikare Iraqeke demokratîk were avakirin.”
* ANKA-DER’ê ji bo bi sê zaravayên Kurdî atolyeyan li dar bixe, qeydên serdema nû da destpêkirin.
* AKKAY-DER dê li Şîrn Muzîkholê ya li navçeya Seyhanê ya Edeneyê kongreya xwe li dar bixe. (12.00)
* Bi boneya 1’ê Îlonê Roja Aştiyê ya Cîhanê dê li gelek bajaran çalakî bên lidarxistin. Li Riha û Stenbolê dê mitîng bên lidarxistin. (14.00-17.00) ZINDÎ