Piştî êrişên Îsraîlê yên li dijî Xezeyê, têkildarî rayedarên payebilind ên Hamasê agahiyên hevnegirtî tên belavkirin. Hamasê ragihand ku ji rayedarên rêxistinê Muhammed Sînwar hatiye kuştin. Aqûbeta berdevkê rêxistinê Ebu Ubeyde jî nediyar e. 

 

Li gorî agahiyên çavkaniyeke Filistînî yên di raya giştî de hatine parvekirin, berdevkê Tugayên Qassamê ku weke Ebu Ubeyde tê zanîn, di êrişa Îsraîlê de jiyana xwe ji dest daye. Îdia, ji hêla televîzyona Al-Arabiya ya navenda wê Erebistana Siûdî ve hate weşandin. Hat îdiakirin ku êriş li dijî daîreyeke li bajarê Xezeyê hatiye kirin. Hamasê heta niha têkildarî mijarê tu daxuyaniyeke fermî nedaye. 

 

Li gel vê, Hamasê mirina yek ji payebilindên rêxistinê yê Xezeyê Muhammed Sînwar, qebûl kir. Di şeva şemiyê de vîdeoyek hate weşandin û wêneyên Sînwar hatin parvekirin. Artêşa Îsraîlê tevî Shin Betê operasyonek li dar xistibû û ragihandibû ku Sînwar, di meha Gulanê de li navenda biryargehê ya di bin Nexweşxaneya Ewropayê de hatiye kuştin. Tel Avîvê, mirina Sînwar di dawiya meha Gulanê de ragihandibû lê Hamas ji wê demê heta niha bêdeng bû. 

 

Muhammed Sînwar, birayê Serokê Hamasê Yahya Sînwar e ku 10 meh berê ji hêla Îsraîlê ve hatibû kuştin.