NAVENDA NÛÇEYAN - Ji bo Rojîn Kabaîş ku bi ser mirina wê ya biguman re 11 meh derbas bûn, li ser platforma medyaya dijîtal X’ê bi sernavê #RojinİçinYargıYolunuAçın hashtag hate vekirin.
Xwendekara pola yekemîn a Beşa Gihandina Zarokan a Zanîngeha Yuzuncu Yilê ya Wanê Rojîn Kabaîş, 11 meh berê winda bû û cenazeyê wê 18 roj piştre hate dîtin. Bi ser mirina biguman a Rojîn Kabaîşê re 11 meh derbas bûn lê hêj jî nehatiye ronîkirin. Tevî bi sedan bang û çalakiyên malbata wê jî piştperdeya cînayetê nehate ronîkirin. Bertekên li dijî vê mijarê yên li ser platformên medyaya dijîtal her ku diçe zêdetir dibin.
Ji bo ronîkirina mirina biguman a Rojîn Kabaîşê, li ser platforma medyaya dijîtal X’ê bi sernavê #RojinİçinYargıYolunuAçın xebata hashtagê hate destpêkirin.