Ji ber krîza aborî ya li Kurdistan û Tirkiyeyê, di nava 2 salan de li Wanê 700 esnafan dikanên xwe girtin. Serokê Odeya Firinvan û Loqentevanan Sabrî Işik, rewşa esnafên bajar weke “li ber îflasê ne” nirxand.
Li gorî rapora Meclisa ÎSÎG’ê, di meha Îlonê de herî kêm 206 karkeran û di 9 mehên ewil ên sala 2025’an de jî herî kêm hezar û 566 karkeran di cînayetên kar de jiyana xwe ji dest dane.
Ji ber ku Bazara Mezin a Gel a dîrokî ya Wanê nehatiye restorekirin, dikandar zehmetiyan dikişînin. Ji dikandaran Azad Kaya got: "Her zivistan ji ber sobeyan şewat çêdibe. Em her sal ji ber vê diqilqilin."
Li taxên li deverên bilind ên navçeya Pasûrê, komkirina gûzan dest pê kir.
TUÎK’ê ragihand ku enflasyon di meha Îlonê de ji sedî 3.23 zêde bûye û ENAG’ê jî rêjeya enflasyonê ya meha Îlonê weke ji sedî 3.79 aşkera kir.
Li Agiriyê berhevkirina silqokê dest pê kir. Cotkaran ku bertek nîşanî fiyetê silqokê dan gotin ku kîloyek silqok nake bi nîv qedeh çay.
KESK dê li 6 bajaran meşa herêmî li dar bixe, ji bo kesên bi KHK'yan hatine îxrackirin vegerin ser karên xwe. Kesên bi KHK'yan hatine îxrackirin anîn ziman ku ew ê beşdarî meşê bibin û gotin: "Meş parçeyeke ji têkoşîna edalet û aştiyê ye."
Li gorî daneyên TURK-ÎŞ’ê, sînorê xizaniyê derket 91 hezar û 109 lîreyan û 4 qat ji mûçeyê kêmtirîn zêdetir bû.
Li Pasûrê ku bastêq, dims û benî bi rêbazên kevneşop tên çêkirin, demsala serrezê dest pê kir.
DTÎOSB'ê civîna yekemîn a giştî ya asayî li dar xist. Sezaî Ayas wekî serok hat hilbijartin. Di civînê giştî ya asayî de ji bo pêşxistina îstihdamê îşaret bi girîngiya tevkariyê hat kirin.
Li navçeya Karataşê agir bi konên karkerên çandiniyê ket.
Li Bazîdê welatiyên ku ji bo zivistanê penêr, rûn û qelî çêkirin, niha jî ketine tatêla çêkirina xwarinên di şûşeyan de (konserve).
Mêşvan Mehmet Torun ê ku ji bo mêşvaniyê ji Ordûyê hatiye Gimgimê, diyar kir ku ji ber berhemdariya kêm a îsal qelîteya hingiv jî kêm bûye.
Bijîşkê bi navê Baran Şeşen ku li navçeya Artukluyê di navendeke tenduristiyê ya malbatê de dixebite, rastî êrişa xizmekî nexweşekî hat.
BES-AR’ê ragihand ku di meha Îlonê de sînorê birçîtiyê 37 hezar û 173 TL û sînorê xizaniyê jî 90 hezar û 279 TL ye. Li gorî daneyan, mûçeyê kêmtirîn, ji sedî 68,81 di bin sînorê birçîtiyê de ma.