Di sala 80’emîn a avêtina bombeya atomê ya Hîroşîmayê de serê sibehê torena duayan a bêdeng hate lidarxistin. Şaredarê Hîroşîmayê Kazumî Matsuî bang li hikûmeta Japonyayê kir ku Peymana Qedexekirina Çekên Nukleerî erê bike.
UNICEF’ê daxuyand ku li Xezeyê ji ber şer rojane 28 zarok jiyana xwe ji dest didin.
Midûrê Giştî yê Wezareta Tenduristiyê yê Filîstînê Munîr el-Burş, diyar kir ku di nava 24 saetên dawî de yek jê zarok 8 kesan ji birçîna jiyana xwe ji dest dane.
Tom Barrack, têkildarî pevçûnên li Siwêyda û Minbicê daxuyanî da û got: “Em banga li hemû aliyan dikin ku aramiyê biparêzin û pirsgirêkan bi rêya diyalogê çareser bikin.”
Çalakiya rûniştinê ya jinên Beluc ku bi mebesta berdana girtiyan û aşkerakirina aqûbeta windakiriyan hatiye destpêkirin, di roja 20’an de didome.
Wezîrê Çavkaniyên Avê yê Iraqê, diyar kir ku Tirkiye peymana avê binpê dike û got: “Dê beşa çandiniyê di meha Îlonê de bi temamî bê rawestandin.”
Rêxistina Koçberan a Navneteweyî (IOM), ragihand ku hejmara kesên ku ji ber noqbûna keştiyê jiyana xwe ji dest dane gihîşt 76 kesan û 49 kes jî winda ne.
Endamê Kongreya DYA’yê Abraham Hemade diyar kir ku pêvajoya diyalogê ya di navbera nûnerên Bakur û Rojhilatê Sûriyeyê û Hikûmeta Demkî ya Sûriyeyê de dê di nava mehekê de pêş bikevin û got: “HSD’ê, rêveberiyeke nenavendî ya mînak ava kir.”
Serokê Komîteya Xaça Sor a Navneteweyî Stefan Sakalian diyar kir ku tevî agirbesta li Siwêdayê jî rewşa mirovî nebaş e û gel di mijara cîbicîkirina pêdiviyên sereke de zehmetiyên cidî dijî.
Li Girtîgeha Qizilhesar a li bajarê Kerecê girtî 8 roj in di greva birçîbûnê de ne.
Fîlozofa Alman Lîsa Herzog bi peyamê re piştgirî da Pêvajoya Aştî û Civaka Demokratîk û got, "Ji her kesên tevlî pêvajoyê bûne re hêvî û hîkmet dixwazim ku karibin aştiyeke adîl, demokratîk û mayînde pêk bînin."
SOHR ragihand ku ji meha Adarê heta dawiya meha Tîrmehê li Sûriyeyê di encama êrîşan de herî kêm 3 hezar û 278 sîvîl hatin kuştin.
Wezîrê Karên Derve yê Îranê ragihand ku piştî êrîşên Amerîkayê çarenûsa zêdetirî 400 kîlouran ûranyûma dewlemendkirî ne diyar e.
Rêveberiya Enformasyona Enerjiyê ya DYA ragihand ku îxracata petrola Iraqê ya ji bo DYA'yê di hefteya bihurî de kêm bûye.
Piştî erdheja bi dijwariya 8,8 ku li Rûsyayê rû da, volkaneke ku 450 sal in bê av mabû, careke din çalak bû.