Nûnerê taybet ê Sûriyeyê yê DYA'yê James Jeffrey, anî ziman ku heta Tirkiye di mijara S-400'an de ji helwestê xwe tawîzên hişk nede wê têkiliyên DYA û Tirkiye ne baş bin û wiha got: "Trump ji Erdogan hez dikir. Lê di serdema nû de dê ne wisa be. Ev jî pirsgirêkek cîddî ye. Dê têkiliyên Tirkiye û Rûsya jî ne geş û xweş bin."
Li Myanmarê artêşê dest danî ser rêveberitya welat. Serokdewlet Wîn Myînt hat binçavkirin.
Hikûmeta koalîsyonê ya Hollandayê ku serokweziriya wê Mark Rûtte dike, ji ber nîqaşa alîkariya zarokan îstifa kir.
Donald Trump, diyar kir ku ew hîna jî tevlî encamên hilbijartinê nabe, lê di 20'ê Çileyê de, wê derbasbûyîneke bipergalî çêbe.
Daxwaza lêvegerandina sazûmankarê Wîkîleaksê Julîan Assange ya Amerîqayê hat redkirin.
Nancy Pelosi ya ji Partiya Demokrat dîsa ji bo Serokatiya Meclîsa Nûneran ji nûve hat bijartin.
Di çapemeniya derveyî welat de, nûçeyên li Somaliyê êrîşa bombeyî li dijî eskerên Tirk hat lidarxistin, hatin serwîskirin. Hat diyar kirin ku di êrîşê de kuştî û birîndar hene. Li gorî îdîayan rêxistina Eş Şebab ev êrîş girt ser xwe.
Nivîskar Noam Chomsky û Serokê berê yê Partiya Karkeran a Îngilistanê Jeremy Corbyn jî di nav de komek ronakbir, siyasetmedar û sendîkavan ji bo Hevseroka KCD’ê Leyla Guven ji Wezîrê Karên Derve yê Îngilistanê re name şandin.
IFJ’ê di rapora parvekir de diyar kir ku li cîhanê cihê herî zêde rojnameger lê girtî ne Tirkiye ye û bal kişand ser gefa darazê ya li ser rojnamegerên kurd.
Serokwezîrê Iraqê Mûstafa Kazimî wê bi heyetekê serdana Enqerê bike û bi Serokkomarê AKP’î Erdogan re hevdîtin bike.
Wêzîrê Karên Derve yê Almanyayê Heiko Maas, beriya civîna ku wezîrên karên derve yên welatên endamê YE’yê li dar bixin, diyar kir ku ji ber rola Tirkiyeyê ya di qeyrana Rojhilatê Behra Spî de wê ji bo Tİrkiyeyê danekirinan binirxînin.
Press In Arrest di rapora xwe ya meha mijdarê de ragihand ku 8 jê rojnamevanên jin herî kêm 40 rojnamevan derketine pêşberî dadehê û di raporê de hat destnîşankirin ku di navenda zextên li ser çapemeniyê de ajansa me Mezopotamya heye.
Serokê nû yê DYA'yê Joe Biden, ekîba xwe ya ragihandinê ya ji jinan pêk tê aşkere kir. Hat diyar kirin ku di dîroka welat de ev yekemin care ku tiştek wiha dibe.
Wezîrê Karên Derve yê Almanyayê Heîko Maas, diyar kir ku heke gengeşiya li Rojhilatê Behra Spî berdewam bike, ji bo Tirkiyeyê danekirin li ser meseya wan in.