Hevseroka Giştî ya ÎHD'ê Eren Keskîn, beşdarî panela 8'ê Adarê ya li Cizîrê pêk hat bû û wiha got: "Bi riya darazê îstîsmara zayendî û tundî rewa dikin." Hevseroka Giştî SES'ê Gonul Erden jî diyar kir ku ew dê bi rûhê 8'ê Adarê tev li Newrozê bibin u wiha got: "Cizîr dîroka raperînê ya li dijî zilmê ye."
Fermandara YJA Starê Hulya Eroglu (Delal Amed) ku hêj 5 salî bû çû dibistana seretayî û berî her kesî fêrî xwendin û nivîsandinê bû, di hemû qada jiyana xwe de pêşengî kir. Delal Amed, 3 sal berê peyama 8'ê Adarê di 8'ê Adara 2015'an de dabû û gotibû "Em di her qadê de bihara jinê dijîn."
Jinan li Atînayê bi boneya 8’ê Adarê Roja Jinan a Cîhanê meş û bernameyek hunerî li dar xistin. Siyasetmedara kurd Ruken Demîr axivî û diyar kir ku ew civakîbûna bi pêşengiya jinê li Çiyayê Kurdistanê pêş dikeve silav dikin û dê sedsala 21’an veguherînin serdema azadiya jinê.
Mîhrîcana Fîlmên Jinan a Fîlmmorê di 10'ê Adarê de bi atolyeya fîlmên kurt dest pê bike. Kordinatora Filmmor Melek Ozmen, diyar kir ku di atolyeyê de jinên ku reng û rûyên sinemayê biguherîne cih digirin.
Mîtînga 8'ê Adarê ya li Amedê bi tevlêbûna hezaran jin pêk hat bi Efrînê dest pê kir û bi Efrînê bi dawî bû. Parlamentera HDP'ê Feleknaz Uca, ji hemû girtiyan û Ocalan re slavên xwe şand û wiha got: "Em qadan terk nakin û em dê her dem govenda azadiyê geş bikin. Ji mere dibêjin qala Efrînê nekin. Em şerê li ser Efrînê şermezar dikin û em her em li dijî şer in."
Berdevka Meclîsa Jinan a HDP’ê Besîme Konca di mitînga 8’ê Adarê ya li Wanê de axivî û got: “Me çawa li Rojava DAIŞ’ê têk bir, elbet em ê li vir OHAL’ê jî têk bibin.”
Hevseroka Giştî ya HDP'ê Pervîn Buldan, di mîtînga 8'ê Adarê de axivî û got: "Em dê jinane têbikoşin. Em bang li hemû jinan dikin ku di refên pêş ên tekoşînê de cih bigirin." Di mîtîngê de peyama jinên girtî jî hatin xwendin.
Televîzyona Jinan JIN TV, bi dirûşmeya “Dengê jinê, ruyê jiyanê" dest bi weşanê kir.
Li Dîlokê jin daketin kolanê û dirûşmeya “Em hebûn, em hene û em ê hebin” berz kirin. Li Rihayê jî jinan banga jiyanê rawestandinê kir.
Bi hezaran jin li Dîlok, Riha, Wan, Amed, Enqere, Mêrdîn, Şirnex û Dersimê daketin kolanê û dirûşmeya “Em hebûn, em hene û em ê hebin” berz kirin. Jinan berxwedana Efrînê silav kirin û diyar kirin ku li pişt gelê Efrînê ne.
Bi hezaran jinên di mîtînga 8'ê Adarê ya Roja Jinan a Cîhanê li Parka Newrozê kom bûn, bi dirûşmeyên "Jin, jiyan, azadî" û "Bijî berxwedana Efrinê" bersîv dan êrîşên bombeyan ên Tirkiye.
Dayika Parlamentera HDP’ê ya Şirnexê Aycan Îrmez di Newroza 1992’an de hat kuştin. Piştî 23 salan Îrmez şahidiya kuştina Taybet Înan kir û li gorî Îrmez gotina “Jin hene” herî zêde li ser erdnîgariya Botanê xwedî wateye.
Jinên stenbolî li qadan daxwazên xwe yên ji bo aştiyê dîqîrin. Fatma Altintaş got: "Bila tu kes zarokên li Efrînê ji bîr neke." Sîman perî jî got: "Nabêjin jin û zarok in, her kesî dikujin. Mal û milkên wan talan dikin."
Qulûba Mafên Jinan a Stenbolê ku ji bo bal bikişîne ser çewisandinên li ser jinan û pirsgirêkên di vî warî de çareser bike hat avakirin, wê li rê û rêbazên berterfkirina çewisandin û pirsgirêkên ku xwendekarên jin bi wan re rû bi rû dimînin bigere. Endama qulûbê Dîlara Gevrek got: "Wê jinên li zanîngehan nesekinin."
Bi hezaran jinên ji Fîlîstîn, Lubnan, Mexmur û Herêma Kurdistana Federe hatin Efrînê dê li dijî şerê li Efrînê bibin mertalên zindî. Jinan berê xwe dan Gundê Karate yê Şeraya Efrînê.