Koma Agirê Jiyan ku stranên xwe mohra xwe li salên 90’î dabû, piştî demekê dirêj careke din derket ser dikê. Komê, li Capitol Theater a li bajarê Dusseldorf ê Almanyayê konserek lidar xist. Eywan bi temamî tijî bû û hezkiriyên komê bi hev re stranên komê gotin.

 

Konser ji aliyê Art Recordsê ve hate amadekirin û hunermendên TEV-ÇAND'ê jî tev li konserê bûn. Komê, bi stranên xwe yên ji salên 1990'î mirovên ji her temenî gihand hev û atmosfereke bi coş afirand.

 

Solîstê Agirê Jiyan, Alî Geçîmlî piştî konserê bi ANF’ê re axivî û got: “Ji bo me kelecaneke mezin bû ku piştî bi salan careke din derketin pêşberî temaşevanan. Her wiha ji bo me cihê serbilindiyê ye ku ji 7 heta 70'ê salî mirovên ji her temenî li vir amade bûn. Bi taybetî bala ciwanan a li ser muzîka me, em gelekî kêfxweş kir. Ev ciwan nirxên me ne. Heta ku stranên Agirê Jiyan bêne guhdarîkirin wê konserên me jî dewam bikin. Weke kom em ê bi stranên nû jî derkevin pêşberî guhdarên xwe."

 

Solîstên komê Ahmed Tabar û Şener Yildiz jî gotin ku bi kelecaneke mezin derketine ser dikê û ji bo xwedîderketina gel spasiya wan kirin.